فدای ناوت بام امام زمان
هستی سراسر تمام جهان

فدای ناوت بام نام آوران
سجاده نشین له غار حراء

منتظردیم له دلو له گیان
کی ظهور بکی امام زمان

ماچ بکم خاک پاک جمکران
سرای امید دل عاشقان

عابد وعارف تمام جهان
هان له انتظار امام زمان

هستی سراسر هان له انتظار
چَه وره مهدی تا بایدن او یار

زنده کننده دین پیغمبر
یوسف زهرا فرزند حیدر

کی بودن له کعبه ته ظهور بکی
دل شیعیان عالم شاد بکی

خدا دی کَی بای فرزند زهرا
علم و عدله بکیدن بر پا

خدا دی کَی بای تنیا سواره
ریشه ظلمُ زور له بن دراره

خدا دی کَی بای فرزند حیدر
بود وه گلستان جهان سراسر

خدا شیعیان تا کَی بکن صبر
له شیعیان صبرو له جابران جبر

قورفاطمه دی کَی پیدا بو
اسِر له دیدم روانه جور جو

خواسته دلمه امام زمان
عرض بکم وه پید مولای عاشقان

کَی چیرید و جوش جهان سراسر
بیوشن ظهور کردفرزند حیدر

قور فاطمه کَی کیدن آشکار
دشمنان دین بکیشید وه دار

بو بگره دس تیخ ذلفقار
دشمنان دین بکه لتوپار

شاد بکه دلِ فاطمه اتحر
بو بار وه خروش جهان سراسر

بو بخون نماز جمعه جمکران
نمنیه تاقت چو انتظاران

تا کَی چومان له انتظار بو
تا کَی نام تو ورد زوانم بو

تاکَی دعای عهد بخونم اراد
دی کَی چید دل عالم بکی شاد

تورا و گیان دالگد زهرا
تقاضای ظهور بکه له خدا

شاید تقاضای خود بکی قبول
یوسف زهرا فرزند رسول

دی نیرم تاقتِ دیوری دیدارد
عدالت و عدل ها له انتظارد

بو بکه بر پا عدل الهی
تاکَی انتظار تاکَی جدایی

عاشقِ عدلی عدل له انتظار
عاشق پی معشوق هیچ نیره قرار

دار عدالت خشک بیو له دنیا
له بس انتظار ظهورد کیشا

عالم عاشق ظهور عشقه
بو بار وه ثمر ای دار هشکه